Қозоғистонлик боксчи “Канелонинг андеркарти”да мағлубиятсиз рақибга қарши рингга чиқади

Қозоғистонлик боксчи Бек Нурмағанбетнинг (10-0, 8 КО) навбатдаги жангидаги рақиби маълум бўлди, деб хабар беради Kazinform.

Suleimen Promotions компанияси хабарига кўра, 30 сентябрда Лас-Вегасда (АҚШ, Невада штати) Бек Нурмағанбет нигериялик Абимболой Осундаиро (5-0, 3 КО) билан жанг ўтказади. Жанг саккиз раундга мўлжалланган.

Шоунинг асосий воқеаси супер ўрта вазн тоифасида мутлақ жаҳон чемпиони, мексикалик Сауль “Канело” Альварес (59-2-2, 39 КО) ва биринчи ўрта вазн тоифасидаги барча унвонлар соҳиби Жермелл Чарло (35-1-1, 19 КО) ўртасидаги жанг бўлади.