Қозоғистонлик Александр Бублик биринчи марта жаҳон рейтингида ТОП-20 га киради

ASTANА. Кazinform — Қозоғистоннинг биринчи ракеткаси Александр Бублик келгуси душанба куни янгиланадиган АТP рейтингида илк бор ТОП-20 га киради.

Дубай турнирининг финалига чиққан А.Бублик эндиликда АТP Live рейтингида 23-ўриндан 19-ўринга кўтарилиб олди.

Қозоғистонлик теннисчининг Дубай АТP 500 мусобақаси финалидаги рақиби маълум бўлди.

Мусобақанинг ўтган йилги ғолиби, дунёнинг 4-ракеткаси, россиялик Даниил Медведев кутилмаганда ўз ўрнини 18-ўриндаги франциялик Уго Умберга бўшатиб берди – 5:7, 3:6.

Шу тариқа, шанба куни А.Бублик ва У.Умбер чемпионлик учун кураш олиб боради.

Бу Александр Бубликнинг фаолиятидаги 11-АТР финали бўлади. Бунгача у икки марта Монпельеда, шунингдек, Антверпен ва Галледа ғалаба қозонган. У олтита финалда мағлуб бўлган.