Қозоғистонга визасиз келган хорижликлар мамлакатда атиги 30 кун қолиши мумкин

ASTANA. Kazinform – Хорижий фуқароларнинг Қозоғистон ҳудудида ҳаракатланиш тартибига ўзгартиришлар киритилди. Бу ҳақда ҚР Ички ишлар вазирлиги вакили Шуғила Турлибек маълумот берди, деб хабар беради Kazinform мухбири.

«Мамлакатимизда 27 январдан янгиланган миграция қоидалари кучга кирди. Киритилган ўзгаришларга кўра, Қозоғистонга визасиз келган хорижликлар мамлакатда 30 кун қолиши мумкин. Олти ой ичида визасиз хорижий фуқароларнинг мамлакатда қолиш муддати 90 кундан ошмаслиги керак. Евроосиё иқтисодий иттифоқи фуқаролари учун эса 180 кун ичида 90 кундан ошмайди. Аввалги талаб бу масалани ҳал қилмаган. Яъни, хорижликлар Қозоғистонда бўлиш муддати тугаганидан кейин мамлакатни тарк этиб, қайтиб келиб, муддатни янгилаши мумкин эди», - деди Шуғила Турлибек вазирликда ўтказилган онлайн брифингда.

Вазирлик вакилининг сўзларига кўра, янги қоидалар вақтинчалик яшаш учун рухсатномаси ёки визаси бўлган хорижликларга тааллуқли эмас.

«Қоида «Аҳолининг миграцияси тўғрисида»ги қонуннинг 6-моддасига мувофиқ берилган. Хорижий фуқароларнинг Қозоғистон ҳудудида ҳаракатланиш қоидалари бузилган тақдирда, чегара хизмати «Халқ миграцияси тўғрисида»ги қонуннинг 48-моддасига асосан чора кўради», - деди у.

Муаллиф: Даулет Изтилеу