Қозоғистонга гуллар олиб келинадиган Топ-5 давлат

ASTANA. Kazinform - Ўтган йил январь-декабрь ойлари давомида Қозоғистон жами 93,5 миллион долларлик 12,3 минг тонна узилган гул ва куртаклар импорт қилган. Таққослаш учун, 2023 йилда гуллар импорти қиймати 61,2 миллион доллардан (8,2 минг тонна) ортиқни ташкил этди, дея ёзади stat.gov.kz.

Қозоғистонга 53 давлатдан, асосан, Европа, Жанубий Америка ва Африкадан гуллар келтирилди.

“2024 йилда энг йирик гул етказиб берувчилар: Эквадор – 6,4 минг тонна, Нидерландия – 2,3 минг тонна, Хитой – 1,1 минг тонна, Колумбия – 978 тонна ва Кения – 975 тонна”, — дейилади хабарда.

Айтиш жоизки, шу даврда Қозоғистон МДҲ давлатларига 1,5 минг тонна узилган гул ва гулдасталар учун куртак экспорт қилган.