Ўтган йили энг кўп сайёҳлар ташриф буюрган Қозоғистоннинг ТОП-5 курорт зонаси
ASTANA. Kazinform – 2024 йилнинг январь-сентябрь ойлари давомида Қозоғистоннинг курорт зоналарига 3,4 миллион сайёҳ ташриф буюрди, дея хабар беради Kazinform агентлиги ҚР Туризм ва спорт вазирлигига таяниб.
Кўрсатилган меҳмонхона хизматлари ҳажми 129 миллиард тенгени ташкил этди. Туризм вазирлиги энг машҳур бешта дам олиш йўналиши рейтингини тақдим этди.
5-ўрин – Балқаш курорт зонаси
Балқаш кўли соҳилидаги ноёб ҳудуд ўзининг табиий гўзаллиги билан мафтун бўлган 120 948 кишини жалб қилди.
4-ўрин – Олакўл курорт зонаси
Олакўл кўли Абай вилоятида 125 621 сайёҳ ва Жетису вилоятида 113 059 меҳмон учун дам олиш масканига айланди ва бу унинг мамлакатнинг асосий табиий марваридларидан бири эканлигини тасдиқлайди.
3-ўрин - Шчучинск-Бурабай курорт зонаси
Ҳудуднинг табиий бойликлари – ўрмонлар, кўллар ва курорт мажмуалари 275 295 нафар сайёҳни ўзига тортди.
2-ўрин – Манғистау курорт зонаси
Манғистау ва Каспий денгизи соҳиллари манзаралари 325 013 нафар сайёҳнинг дам олиш масканига айланди.
1-ўрин – Алмати тоғ кластери
Рейтинг етакчиси Алмати тоғ кластери бўлди, унга 1 996 801 сайёҳ ташриф буюрди. Тоғ ландшафтлари ва тоза ҳаво бу ҳудудни фаол ва табиий дам олишни яхши кўрадиганлар учун диққатга сазовор марказга айлантиради.
Эслатиб ўтамиз, аввалроқ Қозоғистонда туризмга йўналтирилган инвестициялар 20,3 фоизга ошгани ҳақида хабар берган эдик.
