Қозоғистонда оталар форуми бўлиб ўтди
Астана шаҳрида «Ұрпақ тәрбиесі – ұлт болашағы» мавзуида VIII Республика оталар форуми бўлиб ўтди. Тадбирда Ўзбекистон, Қирғизистон, Тожикистон, Туркманистон вакиллари, Қозоғистон Республикаси Президенти ҳузуридаги Хотин-қизлар ишлари ва оилавий-демографик сиёсат бўйича миллий комиссия аъзолари, Парламент депутатлари, маҳаллий ижро этувчи ҳокимият органлари, нодавлат ташкилотлар вакиллари, шунингдек, “Оталар уюшмаси” нодавлат ташкилоти делегатлари иштирок этди, дея хабар беради Кazinform агентлиги ҚР Маданият ва ахборот вазирлигига таяниб.
Форумдан кўзланган мақсад оталар институтини ривожлантириш, оилавий қадриятларни мустаҳкамлаш ва ёш авлодни тарбиялаш борасидаги янги ёндашувларни оммалаштириш ва шакллантиришдан иборат.
– Оталар институтини қўллаб-қувватлаш ва ривожлантириш вазирликнинг диққат марказида. Ҳар йили республика, вилоят, шаҳар миқёсида оталар форумларини ўтказиш яхши анъанага айланган. Ушбу тадбирлардан кўзланган асосий мақсад замонавий муаммоларни муҳокама қилиш ва енгиш йўлларини излаш, болаларни муносиб фуқаро қилиб тарбиялашдан иборат, — деди форумни очар экан, Маданият ва ахборотлаштириш вазири ўринбосари Евгений Кочетов.
Тадбир доирасида “Марказий Осиёда эркак бўлиш” китобининг тақдимоти бўлиб ўтди. Ушбу ҳикоялар тўпламида муаллифлар замонавий жамият шароитида эркаклик ва оталикнинг турли жиҳатларига тўхталиб ўтадилар. Бу “Эркаклар учун қўлланма. Қандай қилиб онгли ота ва эр бўлиш керак” деган масала кўтарилган, Бирлашган Миллатлар Ташкилотининг Аҳолишунослик жамғармаси (ЮНФПА) Қозоғистонда чоп этилган.
Форум турли мамлакатлар вакиллари ўртасида тажриба ва ахборот алмашиш майдончасига айланди, бу уларнинг билимларини бойитиш ва профессионал тармоқларни ривожлантиришга хизмат қилади.
Форум давомида “Адал азамат” концепциясини ишлаб чиқиш масалалари, хусусан, тадбир иштирокчилари ҳалол фуқаролик фазилатлари, замонавий оила қиёфасини шакллантиришда оммавий ахборот воситаларининг ўрни, оиланинг ўрни, алоҳида эҳтиёжга эга болани тарбиялашда ота-оналар роли ва бошқа муҳим мавзулар муҳокама қилинди.
Тадбир якунлари бўйича оталар институтини ривожлантириш ва бу борада тўпланиб қолган масалаларни ҳал этиш бўйича тавсиялар ва эксперт хулосалари ишлаб чиқилиб, амалга ошириш учун давлат органларига тақдим этилади.
Эслатиб ўтамиз, VII Республика оталар форуми якунларига кўра июнь ойининг учинчи якшанбаси мамлакатда Оталар куни сифатида тасдиқланган эди.
