Қозоғистонда нефтдан геосинтетик материаллар ишлаб чиқарадиган завод қурилмоқда
Бу ҳақда ҚР Энергетика вазири Нурлан Ноғаев йиғилиш чоғида маълум қилди.
«Нефт ва газ-кимё лойиҳалари катта маблағ ва узоқ муддатли қайтариб бериш муддатларини талаб қилишини инобатга олган ҳолда, вазирлик ушбу соҳага инвестиция жалб қилиш мақсадида «битта ҳужжат» принципи бўйича нефт-кимё лойиҳалари учун махсус инвестиция шартномасининг қонунчилик механизмини жорий этиш устида ишламоқда. 2021-2025 йилларда нефт-кимё лойиҳаларини амалга оширишга 3,9 триллион тенге инвестиция киритилади», – деди вазир.
Шунингдек, у «Миллий индустрия нефт-кимё технопарки»да йилига 500 минг тонна полипропилен ишлаб чиқарадиган завод қурилаётганини эслатди.
«Ушбу завод асосида полипропиленни янада қайта ишлаб, тўқилган ва экструзион геосинтетик материаллар ишлаб чиқарадиган заводлар қурилиши якунланмоқда», - деди Нурлан Ноғаев.
Муаллиф: Есимжан Нақтибай
