Қозоғистонда май ойидан буён «Гамма- пичоқ» усулида 250 дан ортиқ операция ўтказилди

NUR-SULTAN. Kazinform - Қозоғистон Республикаси Бош вазирининг ўринбосари Ерали Тоғжанов Қозоғистон соғлиқни сақлаш тизимининг асосий ютуқлари ҳақида гапирди, деб хабар беради Kazinform мухбири.

«Бугунги кунда Қозоғистон соғлиқни сақлаш тизими халқаро миқёсда муваффақиятли рақобатлашмоқда. Миллий илмий кардиохирургия маркази дунёдаги энг яхши 22 та клиника қаторига кирди. Марказ Марказий Осиёда юрак ва ўпка трансплантацияси, шунингдек, «Кармат» сунъий юрак имплантациясини амалга оширувчи ягона клиника ҳисобланади, – деди Ерали Тоғжанов «Қозоғистон соғлиқни сақлаш – мустақилликка 30 йил» анжуманида.

Унга кўра, марказда 13 мингга яқин очиқ юрак операциялари ва 42 мингдан ортиқ интервенсия, шунингдек, 84 та юрак трансплантацияси бўйича операциялар амалга оширилган.

– Миллий нейрохирургия маркази диагностикадан тортиб беморларни реабилитация қилишгача бўлган тўлиқ нейрохирургия хизматларини кўрсатувчи Марказий Осиёдаги етакчи марказлардан бири ҳисобланади. Бу ерда 40 мингдан ортиқ бемор даволанди, 26 мингдан ортиқ операция ўтказилди, 66 та янги нейрохирургия технологиялари жорий этилди», — деди Бош вазир ўринбосари.

Маҳаллий онкологияда, – деди Е.Тоғжанов, бугунги кунда ўсмаларни ташхислаш ва даволашнинг замонавий усуллари кенг жорий этилмоқда.

– Натижада жорий йилнинг ўзида онкологияга эрта ташхис қўйишни 13,3 фоизга ошириш имконияти яратилди. Таъкидлаш жоизки, Марказий Осиё мамлакатларида биринчилардан бўлиб марказий асаб тизими касалликларини радиохирургия йўли билан даволашда радиохирургия йўли билан даволашнинг «олтин стандарти» бўлган «Гамма-пичоқ» усули жорий этилган. Aгар илгари йилига 50 га яқин қозоғистонлик чет элга жўнатилган бўлса, май ойидан бери Қозоғистонда 250 дан ортиқ операция ўтказилди», — дея хулоса қилди Бош вазир ўринбосари.

Муаллиф: Aзамат Сиздиқбаев