Қозоғистонда қурилиш саноатида маҳаллий маҳсулотларнинг улуши қанча

ASTANA. Kazinform - Қозоғистон ялпи ички маҳсулотида қурилиш саноатининг улуши 0,8 фоизни ташкил этди. Бу ҳақда ҚР Саноат ва қурилиш вазирлиги маълум қилди.

“Мамлакат ялпи ички маҳсулоти таркибида қурилиш саноатининг улуши 0,8 фоизни ташкил этади (2023 йил 9 ой). 2023 йилда қурилиш материаллари ишлаб чиқариш ҳажми 1249,5 миллиард тенгени ташкил этди. Бу кўрсаткич 2022 йилга нисбатан 10,3 фоизга кўпдир. 2023 йил январь-декабрь ойларида қурилиш материаллари бозори ҳажми 3 671,7 миллион АҚШ долларига (1675,4 миллиард тенге) етди”, - дейилади ҚР Саноат ва қурилиш вазирлигининг Kazinformга берган жавобида.

Бу соҳада маҳаллий ишлаб чиқарувчиларнинг улуши 68 фоизни ташкил этади. Импорт қилинган маҳсулотлар улуши 32 фоизни ташкил этган. Маҳаллий ишлаб чиқариш ички бозорни портленд цемент, товар бетон, гипс, эритмалар, гипсокартон каби маҳсулотлар билан тўлиқ таъминламоқда.

“ҚР Стратегик режалаштириш ва ислоҳотлар агентлиги Миллий статистика бюроси маълумотларига кўра, 2023 йил охирига келиб Хитойдан қурилиш материаллари импорти 297,8 миллион АҚШ долларини ташкил қилган. Ўтган йилги импортнинг асосий товарлари қаторига қуйидаги маҳсулотлар кирди: пол қопламалари, санфаянс, мармар, травертин, керамика қурилиш материаллари ва бошқа товарлар”, - дейилади вазирлик хабарида.