Қозоғистонда коррупционерлар рўйхати оммага эълон қилинади

Коррупцияга қарши кураш хизмати коррупционерларнинг давлат реестрини жорий этишни режалаштирмоқда. Реестр коррупцияда айбдор деб топилган шахснинг барча маълумотларини ўз ичига олади, деб хабар беради Kazinform ҚР Коррупцияга қарши кураш агентлиги матбуот хизмати.

Бу иш берувчиларга поклик ва ҳалоллик учун потенциал номзодни текшириш имконини беради.

Коррупцияга қарши кураш агентлигининг Шарқий Қозоғистон вилоятидаги Жамоатчилик кенгаши йиғилишида коррупцияга қарши кураш сиёсатини такомиллаштиришга қаратилган қонунчилик ташаббуслари тақдим этилди.

Коррупцияга оид ҳуқуқбузарликларни содир этганлик учун юридик шахсларнинг жавобгарлигини кучайтириш таклиф этилди.

Шунингдек, Парламентда пора бериш ваъдаси ва таклифини жиноий жавобгарликка тортиш масаласи ҳам кўриб чиқилмоқда.

Пора бериш таклифи деганда оғзаки ёки ёзма шаклда, шу жумладан электрон шаклда пора бериш тўғрисидаги аниқ ва тушунарли сўз тушунилади, пора бериш ваъдаси эса, вақти, жойи тўғрисидаги хабарга эга бўлган сўз тушунилади.

Қонунларга киритилган ушбу ўзгартиришлар коррупцияга қарши курашиш масалаларига катта ҳисса қўшади. Бундан ташқари, улар ГРЕКО, ИҲТТ каби нуфузли халқаро ташкилотлар тавсияси асосида тайёрланган.