Қозоғистонда коронавирусга қарши кураш учун қанча маблағ ажратилди

NUR-SULTAN. Kazinform – ҚР Бош вазир биринчи ўринбосари – Молия вазири Алихан Смайилов мамлакат ҳудудига коронавирус тарқалишига йўл қўймаслик чора-тадбирлари учун ажратилган маблағ ҳақида маълумот бериб ўтди, деб хабар беради Kazinform мухбири.

«Тахминан 3,5 млрд танга ажратилди. Ушбу йўналишдаги ишларни ҚР Соғлиқни сақлаш вазирлиги назорат қилади», - деди Бош вазир биринчи ўринбосари.

У маблағнинг нимага сарфланиши ҳақида тўхталиб ўтди.

«Маблағ Ҳукумат резервидан ажратилди. Бу пулларга коронавирус тарқалишига қарши кураш учун тегишли дори-дармонлар, маскалар, тепловизорлар сотиб олиш ва бошқа ташкилий ишларни амалга ошириш кўзда тутилган», - деди Алихан Смайилов.

Муаллиф: Руслан Ғаббасов