Қозоғистонда ғалла экинларини қурғоқчиликдан суғурталаш муддати 24 апрелгача узайтирилди

NUR-SULTAN. Кazinform - Аграр кредит корпорацияси ғалла экинлари учун тупроқда намлик етишмаслигидан суғурталашга аризаларни қабул қилиш муддати 2022 йил 24 апрелга қадар узайтирилганини маълум қилади, деб хабар беради Kazinform корпорация сайтига таяниб.

Аввалроқ ғалла суғуртаси дастурини амалга ошириш бошлангани хабар қилинганди. Қишлоқ хўжалиги ишлаб чиқарувчилари учун суғурта полиси нархини пасайтириш, агросаноат мажмуасида суғурта бозорига янги иштирокчиларни жалб қилиш ва ўсимликчиликда хавфларни камайтириш мақсадида давлат суғурта мукофотларини субсидиялайди: фермерлар учун суғурта полиси нархи субсидиялар ёрдамида 50% га арзонлашади.