Қозоғистонда давлат-хусусий шериклик тартиб-қоидалари онлайн форматга ўтказилади

NUR-SULTAN. Кazinform - Қозоғистонда давлат-хусусий шериклик тартиб-қоидалари рақамлаштирилмоқда. Бу ҳақда Қозоғистон Миллий иқтисодиёт вазири Алибек Қуантиров Мажилис депутатлари саволига жавобида маһлум қилди, дея хабар беради Kazinform мухбири.

«Ҳозирги кунда давлат-хусусий шериклик жараёнларини рақамлаштириш, барча тартибларни босқичма-босқич онлайн платформага ўтказиш бўйича ишлар олиб борилмоқда, бу эса чекланмаган шахслар гуруҳи учун ДХШни режалаштиришнинг барча жараёнларидан тўлиқ фойдаланиш имконини беради. Бундан ташқари, вазирлик томонидан қонун ҳужжатларига ДХШ тўғрисидаги янги ўзгартишларни шакллантириш доирасида идоралараро лойиҳа гуруҳи таркибига ўзини-ўзи тартибга солувчи ташкилотлар вакиллари, депутатлар ва оммавий ахборот воситалари вакилларини киритиш таклифи ҳам кўриб чиқилади», — деди вазир.

Унга кўра, давлат-хусусий шериклик доирасидаги лойиҳаларни режалаштириш жараёнида потенциал давлат ҳамкори томонидан лойиҳаларни сифатли бошқаришни таъминлаш мақсадида қуйи ташкилотларнинг мутахассислари, мустақил экспертлар, лойиҳа-конструкторлик ва бошқа компаниялар, манфаатдор ва ваколатли давлат органлари, «Атамекен» Миллий тадбиркорлик палатаси вакиллари, субъектларни жалб қилган ҳолда идоралараро лойиҳа гуруҳини ташкил этиш режалаштирилмоқда.

Идоралараро гуруҳ қуйидаги функцияларга эга бўлади:

- ДХШ лойиҳасини амалга ошириш механизмлари бўйича таклиф ва ташаббусларни ўрганиш;

- ДХШ лойиҳасини амалга ошириш, танлов тури, ер участкаларини ажратиш, коммунал тармоқларга улаш билан боғлиқ масалаларни танлайди, баҳолайди, устуворликларини белгилайди;

- баённомани имзолаш орқали ДХШ лойиҳасини амалга оширишнинг мақсадга мувофиқлиги ёки мақсадга мувофиқ эмаслиги тўғрисида тавсиялар қабул қилиш;

- режалаштирилган ДХШ лойиҳаси бўйича маркетинг ва бошқа тадқиқотлар натижаларини ўрганиш;

- барча керакли ҳисоб-китобларни, шу жумладан ДХШ лойиҳасининг дастлабки ҳисоб-китобларини ўрганади;

- тендер ҳужжатларига киритиш бўйича таклифларни шакллантириш;

- ДХШ лойиҳасини режалаштириш босқичидан ДХШ шартномасини тузиш босқичигача ДХШ лойиҳасини тайёрлашда иштирок этган шахсларнинг ҳисоботларини эшитиш;

- давлат-хусусий шериклик лойиҳасининг тендер ҳужжатларини келишиш ва экспертизадан ўтказиш жараёнида, пудратчи органлар ва ташкилотлардан изоҳлар олиш даражасига қараб қайта кўриб чиқишни амалга ошириш;

- ДХШ бўйича тендер ҳужжатларини кўриб чиқиш, тасдиқлаш, экспертизадан ўтказиш ва тасдиқлаш шартлари ва тартибига риоя этилишини назорат қилиш.

Муаллиф: Есимжан Нақтибай