Қозоғистонда 400 мингдан ортиқ бола мактабга тайёрлаш учун моддий ёрдам олади

ASTANA. Kazinform - Ижтимоий ҳимояга муҳтож тоифадаги 400 мингдан ортиқ болалар мактаб формаси ва ўқув қуроллари билан таъминланади, дея хабар беради Kazinform ҚР Таълим-маориф вазирлиги матбуот хизматига таяниб.

Жорий йилда ҳар бир ўқувчи учун кийим-кечак ва ўқув қуроллари сотиб олиш учун минимал маблағ миқдори 40 567 тенгени ташкил этади. Барча пул ўтказмалари ота-оналарнинг карта ҳисоблари орқали амалга оширилади.

«Маблағ ота-оналарга фарзандлари билан биргаликда мактаб формаси, пойабзал, канцелярия буюмларини харид қилишлари учун берилади. Қабул қилинган ўзгартиришлар ота-оналар ва болаларга етказувчиларни мустақил танлаш имконини беради», - дейди Болалар ҳуқуқларини ҳимоя қилиш қўмитаси раиси ўринбосари Жолдас Батирхан.

Эҳтиёжманд оилаларга моддий ёрдам кўрсатиш ва болаларни 100 фоиз таъминлаш мақсадида умумий мажбурий ўрта таълим жамғармаси фаолият кўрсатяпти.

«Умумий таълим» жамғармаси махсус ижтимоий ёрдам олувчи оилалар фарзандларига, шунингдек, аҳоли жон бошига ўртача даромади яшаш минимумидан паст бўлган оилалар фарзандларига моддий ёрдам кўрсатади. Янги ўқув йили арафасида етим ва ота-она қарамоғисиз қолган болалар, фавқулодда вазиятларда бўлган ўқувчиларга моддий ёрдам кўрсатилади. Улар орасида Абай вилоятидаги бахтсиз ҳодисада ҳалок бўлган ўрмончиларнинг фарзандлари ҳам бор. Эслатиб ўтамиз, ўтган йили мактаб комплектларини харид қилиш нархи 17 минг тенгедан бошланган эди.