Қозоғистонда 31 мингдан ортиқ объект фойдаланишга топширилди

ASTANA. Kazinform – Қозоғистонда йил бошидан бери умумий майдони 12 316,3 минг м2 бўлган 31 мингдан ортиқ объект фойдаланишга топширилди. Бу ҳақда Kazinform ҚР Миллий статистика бюросига таяниб хабар беради.

Статистика бюроси маълумотларига кўра, 2022 йилнинг январ-сентябр ойларида қурилиш ишлари ҳажми 3 989,9 миллиард тенгени ташкил этди, бу ўтган йилнинг мос даврига нисбатан 5,1 фоизга кўпдир.

Республикада жами қурилиш ишлари ҳажмининг 83,8 фоизи хусусий қурилиш ташкилотлари, 16,1 фоизи хорижий ва 0,1 фоизи давлат қурилиш ташкилотлари томонидан бажарилган.

Республиканинг 17 та ҳудудида қурилиш ишлари ҳажмининг ошиши кузатилди.

Энг юқори ўсиш Чимкентда – 39,7 фоизга, Қизилўрда вилоятида – 35,1 фоизга, Ақмола вилоятида – 26,9 фоизга, Алмати вилоятида – 14,5 фоизга қайд этилди.

Қурилиш ишлари ҳажмининг қисқариши: Қарағанди вилоятида – 10,7 фоизга, Абай вилоятида – 23 фоизга, Манғистау вилоятида – 34,7 фоизга.

Фойдаланишга топширилган объектларнинг 90,8 фоизи уй-жой қурилишига тўғри келади, бу 28 мингдан ортиқ турар-жой биноларини ташкил этади. Магистрал ва маҳаллий қувур тармоқлари, алоқа линиялари, энергетика кабел линиялари, ёрдамчи объектлардан сўнг жами 1169 та объект фойдаланишга топширилган бўлса, йил бошидан буён 513 таси чакана савдо объектлари учинчи ўринни эгаллади.

Таълим ва соғлиқни сақлаш соҳасида жорий йилнинг 9 ойида 38 умумтаълим мактаби, 24 мактабгача таълим муассасаси, 3 шифохона, 6 амбулатория-поликлиника биноси фойдаланишга топширилди.