Қозоғистон жаҳон ОАВларида: сув тошқинлари, Рим Папасининг мурожаати, Макао билан визасиз режим
Шу ҳафта қатор хорижий ОАВларда Қозоғистон ҳақида кўплаб мақолалар чоп этилди. Жаҳон матбуоти мамлакатдаги сув тошқинлари, Рим Папасининг қўллаб-қувватлагани, мамлакатнинг банк рейтингидаги ўрни яхшилангани ҳақида ёзди. Халқаро матбуот яна нима ёзди - Кazinform мухбирининг шарҳини ўқинг.
BBC: Қозоғистон ва Россия сўнгги йиллардаги энг кучли сув тошқинларидан жабр кўрди
Бир қатор хорижий нашрлар мамлакатдаги сув тошқинлари ҳақида ёзган. Улардан бири халқаро BBC ахборот агентлигидир.
Қозоғистонда Фавқулодда вазиятлар вазирлиги якшанба куни 12 мингга яқин одамлар вақтинчалик бошпаналарга жойлаштирилганини маълум қилди. Бундан ташқари, қутқарувчилар 60 мингга яқин уй ҳайвонларини хавфсиз ҳудудларга етказдилар, дейилади материалда.
Мақола муаллифи Президент Қасим-Жомарт Тоқаевнинг сўзларидан иқтибос келтирган.
- Президент Қасим-Жомарт Тоқаев шанба куни бу Қозоғистонда сўнгги 80 йилдаги энг даҳшатли табиий офат эканлигини айтди. Жаноб Тоқаев телеканал орқали халққа қилган мурожаатида ҳукумат томонидан сув тошқини оқибатларини бартараф этиш бўйича ишлар кучайтирилгани ва барча зарур ёрдам кўрсатилишини таъкидлади, - дея давлат раҳбарининг сўзларини келтириб ўтди.
Vatican news: Рим Папаси Қозоғистонда сув тошқинларидан зарар кўрганларни учун дуо қилишни сўради
Шунингдек, Vatican news портали сув тошқинлари ҳақида материал ёзди ва Рим Папаси Франциск тингловчилар давомида Қозоғистон халқини қўллаб-қувватлашини билдирди. Нашр маълумотларига кўра, Рим Папаси Франциск Қозоғистоннинг кўплаб ҳудудларига таъсир қилган ва минглаб одамларни эвакуация қилишга мажбур қилган кучли сув тошқинлардан зарар кўргалар учун дуо қилишни сўраган.
- Айни дамда Қозоғистон халқига маънавий жиҳатдан яқин эканлигимни билдирмоқчиман, – дея Рим Папасининг 2024 йил 10 апрелда ўзининг ялпи ауденциясидаги нутқидан иқтибос келтирган нашр.
Портал маълумотларига кўра, Каспий денгизига қуйиладиган Ёйиқ дарёсидаги сув хавфли даражадан 70 см га ошган ва 10 метрга етганидан сўнг аҳоли пунктларини сув босган. 100 мингдан ортиқ одам хавфсиз жойларга кўчирилди.
The times of Central Asia: Қозоғистоннинг бешта банки S&P рейтингида ўз ўрнини яхшилади
Етакчи рейтинг агентликларидан бири бўлган S&P Global Ratings ўз прогнозини қайта кўриб чиқди ва бешта Қозоғистон банкининг позициясини кўтарди. Бу ҳақда The times of Central Asia портали хабар берди.
Портал маълумотларига кўра, S&P экспертлари сўнгги йилларда Қозоғистон банк сектори макроиқтисодий рискларга қаршилик кўрсатганини, айниқса минтақада геосиёсий беқарорлик кучайиб бораётганини таъкидлаган.
- Банк активлари сифати ва молиявий кўрсаткичлари таҳлилчилар кутганидан анча юқори бўлди. Натижада, S&P иқтисодий рискларни баҳолашни такомиллаштирди ва тармоқ рисклари тенденциясини “ижобий” даражага қайтарди. Масалан, 2024 йил бошига кўра, муддати ўтган кредитлар улуши (муддати 90 кундан ортиқ муддат ўтган) жами портфелнинг бор-йўғи 3 фоизини ташкил этди, бу ўтган йилларга нисбатан сезиларли даражада паст, - деб ёзади Times of Central Asia.
Порталга кўра, рейтингга «Halyk Bank», «Kaspi Bank», «Bank CenterCredit», «ForteBank» ва «Нурбанк» каби банклар киритилган.
Daryo: AIX операцион директори Қозоғистоннинг ривожланиши ҳақида фикр билдирди
Ўзбекистоннинг Daryo ахборот портали Астана халқаро биржаси (AIX) операцион директори Оливье Герис билан суҳбат ўтказди ва маърузачининг Қозоғистон тараққиёти ҳақидаги фикрларини эълон қилди.
Нашрнинг ёзишича, Оливье Герис AIX компаниясига келишидан олдин Қатар фонд биржасининг бош операцион директори лавозимида ишлаган. Унинг тажрибаси AIXни Марказий Осиё ва ундан ташқарида молиявий марказ сифатида ташкил этишга ёрдам берди.
- Нефть ва газнинг йирик ишлаб чиқарувчиси сифатида Қозоғистон ўз иқтисодиётини диверсификация қилишга интилиши керак. Мен таълим (айниқса университетлар), агробизнес ва Fintech/Smart Tech компанияларида сезиларли ўсиш кузатилмоқда. “Қозоғистон IT соҳасига оид лойиҳалар ўчоғидир, унинг ёшларининг тадбиркорлик ва инновацион руҳи тенгсиз, менимча, ҳозир бу даражага фақат Саудия Арабистони тенг кела олади, — дея Оливье Гериснинг сўзларини келтиради нашр.
Умуман олганда, материалга кўра, Оливье Герис хорижий инвесторлар учун инвестиция муҳити сезиларли даражада яхшиланганини таъкидлади.
Daryo: Қозоғистон ва Макао ўртасида икки томонлама муносабатлар ва туризмни ривожлантириш учун визасиз режим тўғрисидаги битим имзоланди
Daryo ахборот агентлиги ҳам мамлакат туризмига оид материалларни эълон қилди. Нашрнинг ёзишича, Қозоғистон ва Макао туризм ва савдони ривожлантириш мақсадида икки ҳудуд ўртасида визасиз режим жорий этиш бўйича муҳим келишув имзолаган. Визасиз режим ҳар икки ҳудуд фуқароларига 14 кунгача бир-бирларига визасиз ташриф буюриш имконини беради.
Мақолада бу келишув Қозоғистоннинг Хитой билан 2023 йил ноябрида икки қўшни давлат ўртасида визасиз режим жорий қилган аввалги келишувидан кейин имзолангани қайд этилган. Ушбу келишув Қозоғистон фуқароларининг Хитойга турли мақсадларда, жумладан бизнес, туризм ва тиббий мақсадларда саёҳат қилишларини осонлаштирган бўлса-да, Гонконг ва Макао каби ҳудудларга тааллуқли эмас эди.
