Қозоғистон ва Жанубий Корея консуллик соҳасидаги ҳамкорликни муҳокама қилди

ASTANА. Кazinform - Қозоғистон Республикаси Ташқи ишлар вазирлиги Консуллик хизмати департаменти директори Бауржан Ақатаев Корея Республикаси Ташқи ишлар вазирлигининг хориждаги корейслар ва консуллик ишлари бўйича директори Ким Минчхол билан консуллик маслаҳатлашувларини ўтказди.

Икки давлат ташқи ишлар вазирликлари ўртасида консуллик масалалари бўйича маслаҳатлашувларнинг 7-раунди давомида томонлар икки томонлама муносабатлар, жумладан, консуллик-ҳуқуқий соҳадаги ҳамкорлик даражасини юқори баҳоладилар.

Томонлар икки давлат фуқароларининг ҳуқуқ ва манфаатларини ҳимоя қилиш масалаларини, шунингдек, Қозоғистон-Корея муносабатларининг ҳуқуқий соҳадаги долзарб жиҳатларини, жумладан, Қозоғистон Республикаси фуқароларининг Жанубий Кореяга ноқонуний меҳнат миграциясини муҳокама қилдилар.

Хусусан, меҳнат бозоридаги вазиятни ҳисобга олган ҳолда ишчи кучини жалб қилиш ва улардан фойдаланиш жараёнларини тартибга солишдан ўзаро манфаатдорликдан келиб чиқиб, Корея томони чет элликларни ишга жойлаштириш («Меҳнатга рухсат бериш тизими»)тизими доирасида Қозоғистон ишчи кучини жалб этиш бўйича музокаралар жараёнини бошлашга тайёрлигини билдирди.

Музокаралар якунида томонлар навбатдаги учрашувни Астанада ўтказишга тайёр эканликларини билдирди.

Фото: gov.kz