Қозоғистон ва Германия ўртасида 9 та ҳужжат имзоланди

ASTANA. Kazinform – Ақорда матбуот хизмати Telegram-каналида Қозоғистон ва Германия ўртасида имзоланган ҳужжатлар рўйхатини эълон қилди, дея хабар беради Kazinform.

Германия Федерал Президентининг Қозоғистонга давлат ташрифи доирасида қуйидаги ҳужжатлар имзоланди:

1. Қозоғистон Республикаси Фан ва олий таълим вазирлиги ва Германия Федератив Республикасининг Федерал Ташқи ишлар вазирлиги ўртасида ҳамкорлик тўғрисидаги меморандум;

2. Қозоғистон Республикаси Миллий иқтисодиёт вазирлиги ва Германия Федератив Республикасининг Иқтисодиёт ва иқлим федерал вазирлиги ўртасида Қозоғистон корхоналари раҳбарларининг малакасини ошириш бўйича ҳамкорлик қилиш ниятлари тўғрисидаги қўшма баёнот;

3. Миллий геология хизмати ва Федерал геология фанлари ва табиий ресурслар институти ўртасидаги ҳамкорлик тўғрисидаги меморандум;

4. Жамбил вилояти ҳокимлиги ва «Кнауф Гипс Тараз» МЧЖ ўртасида гипсокартон плиталари ва қуруқ қурилиш қоришмалари ишлаб чиқариш лойиҳасини амалга ошириш бўйича келишув;

5. Қозоғистон-Германия доимий муҳандислик институтини ташкил этиш тўғрисидаги келишув;

6. «Қозоғистон темир йўли» МК» АЖ ва «Rhenus SE & Co.KG» ўртасида ўзаро англашув меморандуми;

7. «DВ Engineering & Consulting GmbH» ва «Қозоғистон темир йўли» МК» АЖ ўртасида йўловчи ташиш ва транспорт-логистика соҳасида ҳамкорликни ривожлантириш тўғрисидаги битим;

8. «Siemens» технологияси бўйича Қозоғистон Республикаси энергетика саноати учун ўрта тоифадаги кучланиш тақсимлаш қурилмаларини ишлаб чиқаришни изоляция қилиш бўйича келишув;

9. Ноёб тупроқли фойдали қазилмаларни геологик-қидирув ва қайта ишлаш бўйича биргаликдаги фаолият тўғрисида келишув.