Қозоғистон ва Финляндия раҳбарлари ҳамкорликни ривожлантириш истиқболларини муҳокама қилдилар
ASTANA. Kazinform – Давлат раҳбари Қасим-Жомарт Тоқаев Финляндия Президенти Александр Стубб билан телефон орқали мулоқот қилди, деб хабар беради Ақорда.
Финляндия томони ташаббуси билан ўтказилган суҳбат чоғида президентлар икки томонлама ҳамкорликни ривожлантириш истиқболларини муҳокама қилдилар.
Шунингдек, давлат раҳбарлари минтақавий ва халқаро кун тартибидаги долзарб масалалар юзасидан фикр алмашдилар.
Қасим-Жомарт Тоқаев Александр Стубб ва Финляндия халқини яқинлашиб келаётган Мустақиллик куни билан табриклади.
Эслатиб ўтамиз, кеча Қасим-Жомарт Тоқаев Саудия Арабистони пойтахтида бўлиб ўтаётган One Water саммитининг очилиш маросимида нутқ сўзлаган эди.
Шу билан бирга, Давлат раҳбари Ар-Риёдда бўлиб ўтган One Water саммити доирасида Франция Президенти Эммануэль Макрон билан учрашди.
