Қозоғистон терма жамоаси фристайл-могул бўйича ўсмирлар ўртасидаги жаҳон чемпионатини учта медаль билан якунлади

ASTANA. Kazinform – 9 январь куни Алмати шаҳрида фристайл-могул бўйича ўсмирлар ўртасидаги жаҳон чемпионати якунланди, деб хабар беради Миллий олимпия қўмитаси.

Қозоғистон терма жамоаси жаҳон чемпионатида учта медаль билан ажралиб турди. Улардан иккитаси Анастасия Городкога тегишли. У могул бўйича иккинчи, параллель могулда биринчи ўринни эгаллади.

Аралаш жамоавий баҳсларда Юлия Феклистова ва Денис Раструба кумуш медални қўлга киритди.

Медаллар сони бўйича Қозоғистон иккинчи ўринда. Биринчи ўринда Япония (иккита олтин ва битта бронза), учинчи ўринда эса Чехия (битта олтин) жойлашган.

Бугун спортчилар эркин акробатика бўйича совринли ўринлар учун кураш олиб боришади.

Алматида фристайл услуб бўйича жаҳон чемпионати ўтказилиши ҳақида ёзган эдик.