Қозоғистон терма жамоаси артистик сузиш бўйича Осиё ўйинларида иккинчи бронза медални қўлга киритди
ASTANA. Kazinform — Япониянинг Аичи префектурасида ХХ ёзги Осиё ўйинлари доирасида артистик сузиш бўйича мусобақалар якунланди, деб хабар беради ҚР Туризм ва спорт вазирлиги Спортни ривожлантириш дирекцияси матбуот хизмати.
Уч кун давом этган аралаш жамоавий дастурда Қозоғистон терма жамоаси бронза медални қўлга киритди.
Эркин дастур натижаларига кўра, юртдошларимиз жамоаси 216,7961 очко тўплаб, учинчи ўринни эгаллади. Қозоғистон терма жамоаси таркибида Виктор Друзин, Даяна Джаманчалова, Айгерим Қурманғалиева, Ксения Макарова, Анна Павлетцова, Валерия Столбунова, Жаклин Якимова, Наргиза Болатова ва Ясмин Туякова иштирок этди.
Учта машқ натижаларининг умумий ҳисоби:
Хитой — 857,5084 очко
Япония — 821,7404 очко
Қозоғистон — 672,6029 очко
Бундан аввал жуфтлик баҳсларида Наргиза Болатова ва Ясмин Туякова техник ҳамда эркин дастурлар натижаларига кўра 565,7326 очко тўплаб, бронза медалга сазовор бўлган эди.
