Қозоғистон теннис терма жамоаси жаҳон рейтингида 7-ўринга кўтарилди

ASTANA. Kazinform — Аёллар теннис терма жамоаларининг янгиланган рейтинги эълон қилинди.

Астанада бўлиб ўтган Билли Жин Кинг кубоги саралаш босқичида Канадани мағлуб этган Қозоғистон 9-ўриндан 7-ўринга кўтарилди.

Маълумки, Қозоғистон терма жамоаси 2023 йилги жаҳон чемпионларини 3:1 ҳисобида мағлуб этиб, сентябрь ойида Хитойнинг Шеньчжень шаҳрида бўлиб ўтадиган финал босқичига йўлланма олди.

Жаҳон рейтингида Италия етакчилик қилишда давом этмоқда, Буюк Британия иккинчи, Украина эса 8-ўриндан 3-ўринга кўтарилди. Кейинги ўринларда Испания ва Чехия Республикаси жойлашган.

АҚШ рейтингда 2-ўриндан 6-ўринга, Канада эса 4-ўриндан 8-ўринга тушиб кетди. Польша ва Япония 9 ва 10-ўринларда.

Эслатиб ўтамиз, аввалроқ Қозоғистон терма жамоаси Билли Жин Кинг кубоги финал босқичига йўлланма олгани ҳақида ёзган эдик.

Финалда Италия, Буюк Британия, Испания, Чехия, Украина, Қозоғистон, Бельгия ва Хитой иштирок этади.