Қозоғистон «Спутник Лайт» россиялик вакцинани ишлаб чиқариши мумкин

NUR-SULTAN. Kazinform – Қозоғистон қўшни Россиядан «Спутник Лайт» вакцинасини олиб кириш бўйича дастлабки келишувга эга. Бу ҳақда ҚР Соғлиқни сақлаш вазири Алексей Цой маълум қилди, дея хабар беради Kazinform мухбири.

«Биз россиялик ҳамкорларимиз билан «Спутник Лайт» вакцинасини етказиб бериш бўйича музокаралар олиб бормоқдамиз. Ушбу вакцина «Спутник V»дан фарқ қилмайди, фақат биринчи компонент алоҳида», - деди А. Цой Ҳукумат уйида журналистлар саволларига жавоб бермоқда.

Вазирнинг сўзларига кўра, ушбу вакцинанинг мамлакатга етказиб бериш муддати ҳозирча номаълум.

«Шунингдек, биз Россия «Спутник Лайт» вакцинасини қанча таклиф қилиши мумкинлигини аниқлаймиз. Чунки уларнинг ички бозорида талаб бор. Россиядан тижорат таклифи тушиши биланоқ иш бошлаймиз. Бизга катта миқдордаги вакциналар керак эмас, чунки бизнинг мамлакатимизда ревакцинация амалга оширилмоқда ва унинг ўз босқичи бор. Умуман олганда, янги йил олдидан қайта эмланадиганлар учун эмлаш ҳажми етарли бўлади», - деди у.

Шунингдек, А.Цой, Қарағандидаги фармацевтика мажмуасига «Спутник Лайт» вакцинанинг тажриба партияси етказилгани ва уни ишлаб чиқариш масаласи кўриб чиқилаётганини айтди.

Муаллиф: Али Ибраев