Қозоғистон шаҳарларида ишсизлик даражаси 0,7 фоизга камайди

NUR-SULTAN. Kazinform – 2022 йилнинг иккинчи чорагида Қозоғистонда ишсизлар сони 452 минг кишини ташкил этди, бу ўтган йилнинг шу даврига нисбатан атиги 0,1 фоизга кўпдир. Шу билан бирга, шаҳарларда уларнинг сони 0,7 фоизга камайиб, 269,1 минг кишини, қишлоқ жойларда 1,3 фоизга ошиб, 182,8 минг кишини ташкил қилди, дея хабар беради Kazinform Finprom.kz сайтига таяниб.

2022 йилнинг иккинчи чорагида Қозоғистонда аҳолининг ишсизлик даражаси ўзгаришсиз қолди ва 4,9 фоизни ташкил этди. Шу билан бирга, шаҳарларда 2021 йилнинг иккинчи чорагидаги 4,9 фоиздан 2022 йилнинг иккинчи чорагида 4,8 фоизгача камайиш кузатилди.

Минтақавий нуқтаи назардан, Қозоғистон Республикасида 2022 йилнинг иккинчи чорагида ишсизликнинг энг юқори даражаси Манғистау ва Туркистон вилоятларига тўғри келди: ҳар бирида 5,1%. Ундан кейинги ўринларда Жамбил ва Ғарбий Қозоғистон вилоятлари, шунингдек, Алмати ва Чимкент шаҳарлари турибди.

Энг паст ишсизлик даражаси Улитау (4,2 фоиз), Қарағанди вилоятларида (4,5 фоиз) ва пойтахтда (4,7 фоиз) қайд этилган.