Қозоғистон Президенти Венгрия ташқи ишлар вазирини қабул қилди
Учрашувда Қозоғистон ва Венгрия ўртасидаги сиёсий, савдо-иқтисодий, сармоявий ва маданий-гуманитар соҳалардаги стратегик ҳамкорликни ривожлантириш истиқболлари муҳокама қилинди.
Президент венгриялик дипломатга ҳурмат бажо келтирди ва бош вазир Виктор Орбан бошчилигидаги ҳукмрон ФИДЕС альянсини яқинда бўлиб ўтган парламент сайловидаги ғалабаси билан табриклади. Петер Сийарто Венгрия раҳбарияти Қозоғистон Президентига Будапештга ташриф буюришни таклиф қилганини эслатиб ўтди.
Питер Сийартонинг айтишича, Виктор Орбан Қасим-Жомарт Тоқаев бошчилигида янги Қозоғистонни яратиш бўйича олиб борилаётган ишларни қўллаб-қувватлайди.
Президент икки давлат ўртасидаги стратегик шерикликка янги суръат бағишлаш мақсадида Бош вазир Виктор Орбан таклифига биноан Венгрияга жавоб ташрифи билан боришга тайёрлигини билдирди.
