Қозоғистон Президенти тротуар ва автоклав газ блоклари ишлаб чиқарадиган заводга ташриф буюрди
ASTANA. Kazinform – ҚР Президенти қурилиш индустрияси объектлари билан танишди. Бу ҳақда Ақорда матбуот хизмати хабар берди.
Asyl Qala - ихтисослашган корхона бўлиб, 100 дан ортиқ киши меҳнат қилади. Лойиҳага киритилган сармоя миқдори 8 млрд тенге. Корхонанинг қуввати кунига 4500 квадрат метр йўл қопламаси ишлаб чиқаришга етади. Қурилишнинг иккинчи босқичи тугагандан сўнг, бу кўрсаткич 9000 квадрат метргача ошади.
Бугунги кунда мазкур корхонада ишлаб чиқарилаётган маҳсулотлардан Астана ва мамлакатнинг бошқа шаҳарларида ҳам фойдаланилмоқда.
Шундан сўнг Давлат раҳбари автоклав газ блоклари ишлаб чиқарадиган Uniton заводи билан танишди. Sensata Group қурилиш компаниясига қарашли корхона йилига 150 минг квадрат метр газ блоклари ишлаб чиқариши мумкин. Лойиҳа “Даму” жамғармаси ва Саноатни ривожлантириш жамғармаси томонидан молиялаштирилди. 110 киши доимий иш билан таъминланган.
Қасим-Жомарт Тоқаев қурилиш саноати иқтисодиётнинг муҳим йўналиши эканини таъкидлаб, маҳаллий ишлаб чиқариш ҳажмини ошириш зарурлигини таъкидлади.
