Қозоғистон Президенти Таиланд Бош вазирига ҳамдардлик телеграммаси йўллади

ASTANА. Kazinform - Давлат раҳбари Таиланд Бош вазирига ҳамдардлик телеграммаси йўллади, деб хабар беради Ақорда матбуот хизмати.

Қасим-Жомарт Тоқаев Таиланд Бош вазири Пхэтхонгтхан Чинаватга ва мамлакатдаги зилзила оқибатида яқинларини йўқотганларнинг оила аъзоларига ҳамдардлик билдирди.

Президент табиий офатда жабрланганларнинг тезроқ соғайиб, оила аъзолари бағрига соғ-саломат қайтишига тилакдошлик билдирди.

Эслатиб ўтамиз, аввалроқ Мьянма ва Таиландда содир бўлган кучли зилзилалар, Бангкокдаги кўп қаватли уйнинг вайрон бўлгани ҳақида ёзган эдик.