Қозоғистон олий таълим муассасасида Рақамли университет модели жорий этилади

ASTANА. Кazinform – Мамлакатдаги битта олий таълим муассасаси негизида «Рақамли университет» моделини жорий этиш бўйича махсус лойиҳа амалга оширилади. Бу ҳақда Марказий коммуникациялар хизматида бўлиб ўтган брифингда ҚР Фан ва олий таълим вазири ўринбосари Камил Ақатов маълум қилди, дея хабар беради Kazinform мухбири.

«Соҳани рақамлаштириш доирасида вазирлик «Рақамли университет» моделини жорий этишни режалаштирмоқда. «Рақамли университет» моделини яратишдан асосий мақсад университетдаги асосий ва бошқарув жараёнларини рақамли технологиялар орқали ўзгартиришдан иборат. «Рақамли университет» модели таълим жараёнига энг замонавий технологияларни жорий этиш, онлайн платформалардан кенг фойдаланиш, алоҳида таълим йўналишлари бўйича курслар ва янги форматларни жорий этишни назарда тутади», – деди Камил Ақатов.

Унга кўра, «Рақамли университет» модели 4 та асосий йўналишдан иборат. Булар маълумотларга асосланган бошқарув тизими, рақамли таълим технологиялари, таълимнинг алоҳида соҳалари ва рақамли иқтисодиётнинг компетенциясидир.

Вазир ўринбосари ушбу лойиҳанинг амалга оширилиши олий таълимнинг рақамли экотизимини яратишда ютуқ бўлишини таъкидлади.

Муаллиф: Алихан Асқар