Қозоғистон музейлари жорий йилдан бошлаб онлайн режимида ҳам ишлайди

ASTANA. Kazinform - Жорий йилда Қозоғистонда музейларнинг виртуал тармоғи – «E-museum» веб-порталини очиш режалаштирилган. Бу ҳақда ҚР Маданият ва ахборот вазири Аида Балаева маълум қилди, дея хабар беради Kazinform мухбири.

Вазир веб-портал илғор халқаро тажриба асосида Қозоғистон Республикаси Давлат музей фонди каталогининг электрон форматда мунтазам юритилишини таъминлашини таъкидлади.

“Дунёнинг исталган бурчагидаги фойдаланувчилар 3D-моделлар ёрдамида маданий меросимиздан баҳраманд бўлишлари учун визуал ва интерактив технологиялар жорий этилади”, - деди Балаева.

Шу муносабат билан Қозоғистондаги барча музейлар томонидан тақдим этилган маълумотларни сифатли ва тўлиқ тўплаш ишлари амалга оширилади.