Қозоғистон миллий терма жамоаси Белграддаги турнирда биринчи лицензия очкосини қўлга киритди
ASTANA. Kazinform - Кёрлинг бўйича Сербия пойтахти Белград шаҳрида Қозоғистон миллий терма жамоаси спортчилари II Serbian Curling Jubilee Bonspiel халқаро турнирида иштирок этди.
ҚР Туризм ва спорт вазирлиги спортни ривожлантириш бошқармаси матбуот хизмати хабарига кўра, Айдос Аллияр ва Тилсимай Аллярова Буюк Британия, Босния ва Герцеговина терма жамоаларидан келган рақиблари устидан ғалаба қозонди. Бироқ Россия ва Венгрия терма жамоаларига имкониятни бой берди. Чорак финалга чиқиш орқали Айдос ва Тилсимай ўзларининг биринчи лицензия очколарини қўлга киритди. 15 та жамоа орасида Қозоғистон биринчи Миллий терма жамоаси 8-ўринни эгаллади.
Қозоғистон-2 жамоаси эса (Мерей ва Ибрагим Тастемир) битта ўйинда ғалаба қозониб, умумжамоа ҳисобида 9-ўринни эгаллади.
Эслатиб ўтамиз, мусобақада Қозоғистон, Россия, Сербия, Буюк Британия, Германия, Венгрия, Чехия, Словакия, Босния ва Герцеговина терма жамоалари иштирок этди.
