Қозоғистон коронавирусга қарши эмлаш бўйича дунёда 52-ўринда

NUR-SULTAN. Kazinform – Қозоғистон коронавирусга қарши эмланганлар сони бўйича дунёда 52-ўринни эгаллаб турибди. Бу ҳақда Ҳукумат йиғилишида ҚР Соғлиқни сақлаш вазири Алексей Цой маълум қилди, деб хабар беради Kazinform мухбири.

«Бугунги кунда Қозоғистон аҳолини эмлаш «Спутник V» ва «QazVac» вакциналари билан амалга оширилмоқда. Қозоғистон дунёдаги COVID-19га қарши вакциналарини ишлаб чиқарадиган энг яхши ўнталикка киради. Жаҳон рейтингига кўра, Қозоғистон 177 давлат орасида коронавирусга қарши эмланганлар сони бўйича 52-ўринни эгаллаб турибди», - деди вазир.

Унинг таъкидлашича, вакцинани етказиб бериш жадвалга мувофиқ босқичма-босқич амалга оширилади. Бу эмланадиган аҳолининг 20 фоизини вакцина билан таъминлайди.

«Иш давом этмоқда. Вакцина билан эмлаш мамлакатда эпидемиологик вазиятни барқарорлаштиради», - деди Алексей Цой.

Муаллиф: Марлан Жиембай