Қозоғистон Қатар ишбилармон доиралари билан ҳамкорликни мустаҳкамлаш ниятида
Бу ҳақда Kazinform Қозоғистон ТИВ матбуот хизматига таяниб хабар беради.
Жорий йилда дунёнинг турли мамлакатларидан 600 дан ортиқ делегациялар, жумладан, ҳукумат, ташқи ишлар вазирлари, халқаро ташкилотлар вакиллари ва жаҳон экспертлар ҳамжамияти, сиёсат ва ишбилармонлар янги давр учун ўзгаришлар юзасидан фикр алмашдилар. Шунингдек, геосиёсий иттифоқлар ва халқаро шартномалар, молия тизими ва иқтисодий ривожланиш, кибернетик ва озиқ-овқат хавфсизлиги, шунингдек, барқарор ривожланиш ва иқлим ўзгариши каби муҳим йўналишлар муҳокама қилинди.
Форум доирасида Қозоғистон Ташқи ишлар вазири Қатар Бош вазири ўринбосари – Ташқи ишлар вазири Шайх Муҳаммад бин Абдулраҳмон Ал Тани билан икки томонлама музокаралар ўтказди. Сўнгги бир неча йил ичида икки томонлама ҳамкорлик фаоллашганини қайд этиб, Қозоғистон-Қатар ҳамкорлигининг бугунги ҳолати ва уни янада ривожлантириш истиқболлари, хусусан, савдо-иқтисодий ва сармоявий ҳамкорликни мустаҳкамлаш масалаларини муҳокама қилди.
Мухтар Тлеуберди ўз нутқида: «Қатар Қозоғистоннинг араб дунёсидаги муҳим сиёсий ва иқтисодий ҳамкоридир. Мамлакатларимиз ўртасида олий сиёсий даражада очиқ ва ишончли мулоқот ўрнатилган. Ишончимиз комилки, биз биргаликдаги саъй-ҳаракатларимиз билан ҳамкорликни сифат жиҳатидан янги ривожланиш босқичига кўтарамиз», — деди у.
Қўшма инвестиция фондини ташкил этиш ва кончилик, қишлоқ хўжалиги, соғлиқни сақлаш ва туризм соҳаларида қатор йирик инвестиция лойиҳаларини, шунингдек, давлат-хусусий шериклик доирасидаги лойиҳаларни амалга ошириш шунингдек, Мухтар Тлеберди бошчилигидаги Қозоғистон делегатсияси «Qatar Investment Authority» Қатар жамғармаси Бошқаруви раиси Мансур ал-Махмуд учрашувлари чоғида, шунингдек Қозоғистон делегацияси вакилларининг Қатар ишбилармонлар жамияти раиси, «Faisal Holding» раиси шайх Файсал бин Қосим Ал-Тани ва «Power International Holding» бошқаруви раиси Мутаз ал-Ҳаёт билан учрашди.
Шунингдек, Қозоғистон Республикаси Ташқи ишлар вазирлигининг Инвестиция қўмитаси раиси Ардақ Зебешев ва «КАZAKH INVEST» МК» АЖ бошқаруви раиси Меиржан Юсупов Қатар компаниялари раҳбарлари билан бир қатор учрашувлар ўтказди. Меиржан Юсупов қатарлик ҳамкорларга Қозоғистоннинг сармоявий жозибадорлиги ҳақида батафсил сўзлаб берди ва асосий эътиборни қишлоқ хўжалиги, қурилиш, туризм ва бошқа соҳаларда сармоявий ҳамкорлик лойиҳаларини амалга ошириш имкониятлари муҳокама қилинди.
Хусусан, Муборак Рашид Ал-Саҳути (Hassad Food) ва унинг шўъба корхонаси Widam Food раҳбари Алнубаь Ал-Марри билан учрашув чоғида Қозоғистон Қатар озиқ-овқат бозорида ўзининг стратегик жойлашуви, барқарор сиёсий тизими ва қишлоқ хўжалиги соҳасида алоҳида салоҳиятга эга Қозоғистон етказиб берувчи сифатида фаолият кўрсатиши мумкинлиги таъкидланди.
Улгуржи етказиб берувчи ва юқори сифатли гўшт ишлаб чиқарувчиси сифатида «Widam Food Company» компанияси кўп босқичли етказиб бериш занжирини режалаштириш, қишлоқ хўжалигига глобал сармоя киритиш, маҳаллий ишлаб чиқаришни қўллаб-қувватлаш ва стратегик халқаро ҳамкорликни йўлга қўйиш орқали глобал гўшт етказиб беришни таъминлашда муҳим рол ўйнайди.
«Аl-Fardan Group» бош директори Умар Ҳусайн Ал-Фардан билан бўлиб ўтган музокараларда Қатар ва Қозоғистон ўртасидаги ўзаро манфаатли ҳамкорликнинг долзарб масалалари муҳокама қилинди. Холдинг таркибига қурилиш, автомобилсозлик, меҳмонхона, денгизчилик ва инвестиция соҳаларидаги корхоналар киради.
«KAZAKH INVEST» МК раҳбари Меиржан Юсупов Қозоғистон йирик хорижий инвесторлар учун жозибадорлигича қолаётганини таъкидлади. Шунингдек, у Қозоғистон Қатар билан сармоявий ҳамкорликни чуқурлаштиришга умид қилишини ва келгусидаги лойиҳаларда бундан буён ҳар томонлама қўллаб-қувватлашга тайёрлигини таъкидлади.
