Қозоғистон Хитойга АЭС учун ядро ёқилғисининг учинчи партиясини етказиб берди
“Мазкур лойиҳа мамлакатларимиз юқори технологияли ишлаб чиқаришни йўлга қўйиши ва амалга ошираётганидан далолатдир. Айниқса, CGN гуруҳи ва Қазатомпром, УМЗ ва Ульба-ТВС раҳбариятининг шахсий ҳиссасини алоҳида таъкидламоқчиман, бунинг натижасида жамоаларимиз ишлаб чиқариш режалари ва топшириқларини бажаришга муваффақ бўлди”, – деди Нурлан Жакупов.
Жамғарма раҳбари лойиҳани муваффақиятли амалга оширишга катта ҳисса қўшган Хитой ва Қозоғистон томонининг барча мутахассисларига миннатдорлик билдирди. У 2024 йилда Ульба-ТВС заводи ишлаб чиқаришни 200 тонна қувватига етказиш мақсадини муваффақиятли амалга оширишни тилади.
2015 йилда “Қазатомпром” МАК Хитойнинг CGN атом энергетика корпорацияси билан биргаликда Ульба металлургия заводи негизида АЭС учун юқори технологияли ядро ёқилғиси – ёқилғи йиғмалари ишлаб чиқариш бўйича “Ульба-ТВС” МЧЖ қўшма корхонасини ташкил этди. Ишлаб чиқаришни ишга тушириш 2021 йил ноябрда бўлиб ўтди.
