Қозоғистон ғалласи Миср ва араб мамлакатларига экспорт қилинади

ASTANA. Kazinform – Қозоғистон донини Миср ва араб давлатларига экспорт қилиш мумкин. Бу ҳақда ҚР Қишлоқ хўжалиги вазири Айдарбек Сапаров маълум қилди.

“Ўтган йили 26,8 миллион тонна ғалла йиғиб олинди. Бугунги кунда буларнинг барчаси эловаторларга киритилган. Унинг 8,2 миллион тоннаси ташилди. Унинг 4,8 миллион тоннаси экспорт қилинди. Бу иш давом этмоқда. Янги бозорлар очилмоқда, биз Россия ва Болтиқбўйи мамлакатлари орқали экспорт қиламиз. Бундан ташқари, Миср ва араб мамлакатлари бозорларига чиқишни режалаштирганмиз. Тегишли шартнома тузиш учун 17 февраль куни у ерга борамиз”, – деди вазир.

Вазир мамлакат омборларида ҳали ҳам мўл-кўл ғалла захиралари мавжудлигини таъкидлади.

“20 миллион тоннага яқин дон бор. Унинг 12 миллиони экспорт қилиниши керак. Айтганимдек, 4,8 миллион тоннаси экспорт қилинди. Бу ишлар давом этади”, – деди у.

Бундан ташқари, дон ун ишлаб чиқариш, шунингдек, чорва озуқаси сифатида фойдаланиш учун тегирмонларга юборилади.