Қозоғистон чемпионатининг энг қиммат футболчилари кимлар

Спорт порталининг хабар беришича, Алматининг «Қайрат» жамоасида ўйнайдиган польшалик Яцек Гуральски мамлакат чемпионатидаги энг қиммат ўйинчига айланди. Унинг трансфер нархи – 2,5 миллион еврони ташкил қилади.
Иккинчи ўринда «Қайрат»нинг яна бир футболчиси Раде Дугалич туради, унинг трансфер нархи 2,2 миллион еврони ташкил қилади. Дугалич бу йил чемпионатнинг энг яхши ўйинчиларидан бири рўйхатига киритилган. Қимматбаҳо футболчилар учлигига Алматининг яна бир ҳимоячиси Дино Миканович киради. Унинг трансфер нархи 2 миллион еврони ташкил қилади.
Қозоғистон футболчилари орасида «Қайрат» ва «Тобыл» жамоаларда ўйнайдиган ҳимоячилар Нуралий Алип ва Темирлан Ерланов энг қиммат спортчилар қаторига киради. Шунингдек, Қозоғистон терма жамоаси ҳужумчиси Абат Аймбетовнинг трансфер нархи 1,5 миллион еврогача кўтарилди.