Қозоғистон БМТнинг онлайн хизматлар рейтингида 8-ўринни эгаллади

ASTANA. Кazinform – Қозоғистон Республикаси Рақамли ривожланиш, инновациялар ва аэрокосмик саноат вазири Бағдат Мусин Қозоғистон рақамлаштириш йўналиши бўйича БМТ рейтингида қайси ўринда турганини маълум қилди, деб хабар беради Кazinform мухбири.

«Кейинги йилда ахборот хавфсизлиги соҳасида раҳбарлар, ходимлар, дастурчилар, мутахассисларнинг пухта меҳнати туфайли Қозоғистон жорий йилда «Электрон ҳукумат» ривожланиш индекси бўйича БМТ рейтингида 28-ўринни эгаллади. Ўтган йили биз 29-ўринда эдик. Бу йил ҳам худди шундай динамикани сақлаб, 28-ўринга кўтарилдик. Онлайн хизматлар суб-индексига кўра биз дунёда 8-ўриндамиз. Биз дунёнинг 193 давлати орасида саккизинчи ўриндамиз. Яъни, электрон хизматлар кўрсатиш бўйича дунёда етакчи ўнталикка кирдик», — деди у Рақамлаштириш ва ахборот технологиялари ходимлари кунига бағишланган тантанали маросимда.

Шунингдек, у Қозоғистон тарихида рақамлаштиришнинг янги даври туғилганини таъкидлади.

«Бу ишда ҳамма иштирок этади. Ҳатто ҳозирда бизнес билан шуғулланаётган соҳа мутахассислари ҳам ўз улушларига эга. Ўйлайманки, банк саноати ва финтек воситалари хусусий сектордаги рақамли платформалар билан уйғунликда ривожланишнинг янги ё‘налишини топгани ва биз мавжуд BigData устида ишлаш имкониятини очганимиздан бери ривожланишнинг янги даври бошланди», — деди Бағдат Мусин.

Муаллиф: Есимжан Нақтибай