Қозоғистон ҳарбий техникаларини 2030 йилгача янгилайди

NUR-SULTAN. Kazinform – Қозоғистон Қуролли Кучлари 2030 йилгача янги, мураккаб таъмирланган ва модернизация қилинган мудофаа саноати мажмуаси билан қайта жиҳозланади. Бу ҳақда ҚР Мудофаа вазири Руслан Жақсилиқовнинг парламент депутатлари саволига берган жавобида маълум қилинган, деб хабар беради Kazinform мухбири.

«Қуролли кучларни қурол-яроғ ва ҳарбий техника билан таъминлаш қўшинларнинг жанговар шайлигини таъминлаш бўйича белгиланган вазифаларга мувофиқ устувор тартибда амалга оширилмоқда. Бу борада мудофаа саноати комплексининг ўрни катта. Ривожланган маҳаллий мудофаа саноати комплекси давлатнинг ҳарбий ва иқтисодий хавфсизлигининг асосий таркибий қисми эканлиги аниқ.

Давлат режалаштириш тизимига кўра, миллий хавфсизликни таъминлаш соҳасидаги давлат сиёсатини амалга оширувчи асосий ҳужжат Миллий хавфсизлик стратегиясидир. Миллий хавфсизлик стратегиясини амалга ошириш мақсадида ҚР Президентининг 2021 йил 20 августда қабул қилинган Қарори билан 2030 йилгача ҚР Қуролли Кучлари, бошқа қўшинлари ва ҳарбий техникасини қуриш ва ривожлантириш консепциясининг янги таҳрири тасдиқланди», - деди вазир.

Унинг сўзларига кўра, консепцияда Қуролли Кучларнинг техник жиҳозланишини ошириш бўйича аниқ вазифа ва кўрсаткичлар, амалга ошириш босқичлари ўрин олган. Бундан ташқари, Президентнинг 2018 йил 28 майдаги Қарори билан тасдиқланган Қозоғистон Республикаси Қуролли Кучлари, бошқа қўшинлари ва ҳарбий техникасини қайта жиҳозлаш ва мудофаа саноати комплексини 2030 йилгача ривожлантириш консепциясидан фойдаланилмоқда. Ушбу концепция билан Қозоғистон Республикаси Қуролли Кучларини, бошқа қўшинлар ва ҳарбий техникани қайта жиҳозлаш манфаати йўлида мудофаа саноати комплексини ривожлантиришнинг мақсад ва вазифалари, асосий йўналишлари ва босқичлари белгилаб берилган.

«Қурилиш концепцияси фаолиятини амалиётга татбиқ этиш мақсадида 2030 йилгача Қуролли Кучларни янги, комплекс таъмирланган ва модернизация қилинган мудофаа саноати мажмуаси билан қайта жиҳозлаш режаси ишлаб чиқилиб, Мудофаа вазирининг 2021 йил 30 сентябрдаги қарори билан тасдиқланган. Режа замонавий янги мудофаа-саноат мажмуасини қайта жиҳозлашнинг зарур суръатларини, шунингдек, Қуролли Кучларнинг зарур даражадаги жанговар ва техник тайёргарлигини таъминлайдиган Қуролли Кучларнинг ўзига хос эҳтиёжларини ҳисобга олган ҳолда ишлаб чиқилган.

Режа Идустрия ва инфратузилмаларни ривожлантириш вазирлигига ички мудофаа-саноат комплексини ривожлантириш ва ишга туширишни режалаштириш учун юборилди. Муҳими, мудофаа саноати комплексини ривожлантиришнинг асосий воситаларидан бири давлат мудофаа буюртмасидир», - деди Руслан Жақсилиқов.

Муаллиф: Марлан Жиембай