Қозоғистон АЭС қурилиши бўйича халқаро консорциум яратиш масаласини ишлаб чиқмоқда - Тоқаев
ASTANА. Kazinform - Қозоғистон АЭС қурилиши бўйича халқаро консорциум яратиш масаласини ишлаб чиқмоқда. Бу ҳақда Давлат раҳбари Қасим-Жомарт Тоқаев ҚР Президенти ҳузуридаги Хорижий инвесторлар кенгашининг 36-ялпи мажлисида маълум қилди.
“Ҳукумат қайта тикланадиган энергия секторининг инвестицион жозибадорлигини оширишга интилмоқда. Total, Swabint, Aqua Power ва Masdar каби глобал ўйинчилар билан яшил энергия соҳасида 43 гигаватт қувватга эга лойиҳаларни амалга ошириш бўйича шартнома имзоладик”, – деди Давлат раҳбари.
Президент, шунингдек, Қозоғистон атом энергетикасини ривожлантириш учун катта салоҳиятга эга эканлигини таъкидлади.
“Мамлакатимиз ядровий ёқилғи цикли деярли якунланган уран бўйича дунёда биринчи ўринда туради. Хабарингиз бор, Қозоғистонда биринчи атом электр станциясини қуриш яқинда бўлиб ўтган умумхалқ референдумида маъқулланган эди. Бу бизнинг энергия хавфсизлигимиз учун узоқ муддатли сармоядир. Ҳозирда биз ушбу лойиҳа учун халқаро консорциум яратиш масаласини ишлаб чиқмоқдамиз”, — деди Қасим-Жомарт Тоқаев.
Аввалроқ Қозоғистон техник ва касб-ҳунар таълими сифатини оширишга тайёр инвесторларни қидираётгани ҳақида ёзган эдик.
