Қозоғистон 35 давлатнинг вакцина паспортини тан олди

NUR-SULTAN. Kazinform – ҚР Бош давлат санитария шифокори 35 та давлатнинг коронавирусга қарши вакцина паспортини Қозоғистонда ҳақиқий деб тан олиш тўғрисидаги қарор чиқарди, деб хабар беради Kazinform.

«Ушбу қарорга мувофиқ Аргентина Республикасида, Белизда, Боливияда, Бразилия Федератив Республикасида, Буюк Британияда, Венгрияда, Грузияда, Индонезия Республикасида, Эрон Ислом Республикасида, Иорданияда, Бельгия Қироллигида, Испания Қироллигида , Канадада, Қирғизистон Республикасида, Мальдив Республикасида, Мўғулистонда, Арманистон Республикасида, Беларусь Республикасида, Молдова Республикасида, Перу Республикасида, Сан-Марино Республикасида, Сербия Республикасида, Тунис Республикасида, Ҳиндистон Республикасида, Филиппин Республикасида, Хитой Халқ Республикасининг Гонконг махсус маъмурий туманида, Таиландда,Туркия Республикасида, Ўзбекистон Республикасида, Черногория Республикасида, Чехия Республикасида, Шри-Ланка Демократик Социалистик Республикасида, Эквадор Республикасида, Эстония Республикасида ва Японияда берилган фуқароларининг КВИ га қарши эмлаш паспортлари /сертификатлари/маълумотномалари Қозоғистон Республикаси ҳудудида ҳақиқий деб тан олинсин», - дейилади қарор матнида.

Қарорнинг тўлиқ матни билан бу ерда танишиш мумкин.

26 апрел ҳолатига кўра, Қозоғистон 33 давлат билан эмлаш паспортларини ўзаро тан олиш бўйича шартномалар имзолаган . Энди уларга Бельгия Қироллиги ва Хитой Халқ Республикасининг Гонконг махсус маъмурий тумани қўшилди.