Коронавирус: Бош вазир бирқатор кўрсатмалар берди
«Давлат раҳбари Қасим-Жомарт Тоқаев ҳукуматга аҳолини коронавирус инфекциясидан ҳимоя қилиш чораларини кучайтиришни буюрди. Дунёда вазият мураккаб. Маълумки, вирус ҳозирги кунда элликдан ортиқ мамлакатларда аниқланган ва жуда тез тарқалмоқда. Ҳозирги кунда Қозоғистонда коронавирус билан касалланган одамлар йўқ. Шунинг учун барча эҳтиёт чораларини кўришни давом эттириш керак», - деди Асқар Мамин Ҳукумат мажлисида.
Асқар Маминнинг сўзларига кўра, коронавируснинг тарқалиши дунё иқтисодиётига катта таъсир кўрсатмоқда. Хусусан, саноат, транзит, савдо ва экспортга салбий таъсири сезилмоқда.
«Шу билан бирга, Қозоғистон иқтисодиётининг барқарорлигини таъминлаш учун тегишли чораларни кўриш керак. Мен вазирликларнинг таклифларини қўллаб-қувватлайман. Биринчидан, Соғлиқни сақлаш вазирлиги барча давлат чегара ўтиш жойларида санитария-эпидемиология назоратини кучайтириши ва уларнинг ҳаракат алгоритмини амалга оширишга тайёрлигини таъминлаши керак. Иккинчидан, Ташқи ишлар вазирлиги олдиндан режалаштирилган йирик халқаро тадбирларни алмаштириш бўйича таклифлар киритиши керак. Коронавирус инфекцияси тарқалган мамлакатларга транзит, электрон ва сайёҳлик визаларини тўхтатиши керак», - деди у.
Муаллиф: Аян Бекенўғли
