Колумбиядаги кўчки оқибатида 4 киши ҳалок бўлди

ASTANA. Kazinorm – Колумбия жанубидаги Нариньо департаментида содир бўлган кўчки оқибатида тўрт киши ҳалок бўлди, 100 га яқин оила бошпанасиз қолди. Бу ҳақда вилоят губернатори Луис Альфонсо Эскобар ижтимоий тармоқларда маълум қилди, деб ёзади Report.

“Ёмғир бир неча шаҳарларда фавқулодда вазиятларни келтириб чиқарди, бироқ энг ҳалокатлиси Пасто шаҳридаги Эль-Энкано аҳоли пунктида бўлди, у ерда кўчки тўрт кишининг ҳаётига зомин бўлди ва катта зарар келтирди”, – деди расмий вакил.

Кўчки 400 дан ортиқ оилага таъсир қилган, бир қанча йўллар яроқсиз ҳолда ва учта сув канали бузилган. Ҳокимият йўлларни тозалаш ва юк машиналари билан ичимлик сувини етказиб бериш устида ишламоқда, деди губернатор.

Ла-Круз шаҳрида 100 оила селдан жабр кўрди, учта пиёдалар кўприги вайрон бўлди.