Қишлоқ жойларда “Қазпочта” филиаллари давлат хизматларини кўрсатиши мумкин

ASTANА. Кazinform - Қишлоқ жойларда “Қазпочта” филиалларига давлат хизматларини кўрсатиш функцияси юклатилиши мумкин. Бу ҳақда Қозоғистон Республикаси Бош вазирининг биринчи ўринбосари Роман Склярнинг Мажилис депутатлари саволига берган жавобида айтилди.

Унга кўра, “Фуқаролар учун ҳукумат” давлат корпорациясининг давлат хизматлари кўрсатиш бўлимларининг сони ва жойлашувига қўйиладиган амалдаги талаблар аҳоли пунктлари бўйича ҳудудий стандартлар тизимида белгиланган. Айни пайтда Аҳолига хизмат кўрсатиш марказларига ҳамкор ташкилотлар жалб қилиниши сабабли мазкур меъёрий-ҳуқуқий ҳужжатларга ўзгартиришлар киритиш назарда тутилмаган.

— Аҳолига хизмат кўрсатиш марказлари инфратузилмаси мавжуд бўлмаган аҳоли пунктларида давлат хизматларидан фойдаланиш нуқталарини кўпайтириш мақсадида “Қазпочта” АЖ филиал тармоқларидан фойдаланиш имкониятлари кўриб чиқилмоқда. Мазкур ташкилот қишлоқ жойларда 2 мингга яқин почта алоқаси бўлимларини ўз ичига олган йирик почта тармоғига эга эканлигини инобатга олиб, ушбу объектлардан давлат хизматлари кўрсатишда фойдаланиш имкониятларини кўриб чиқиш режалаштирилмоқда, - деди Роман Скляр.

Эслатиб ўтамиз, Қозоғистонда почта хизматларининг келажаги ҳақида "Қазпочта" АЖ раҳбари билан суҳбатлашган эдик.