17:15, 09 Сентябрь 2024 | GMT +5
Қирғизистонлик кўпкаричилар рақибини йирик ҳисобда мағлуб этишди
ASTANA. Kazinform – Астана шаҳрида бўлиб ўтаётган V Жаҳон кўчманчилар ўйинларида кўпкари бўйича Қирғизистон терма жамоаси Мўғулистон терма жамоасини 16:0 ҳисобида мағлуб этди, деб хабар беради Каzinform мухбири.
Шундан сўнг Венгрия ва Туркия терма жамоалари майдонга чиқишди. Натижада 1:0 ҳисобида ғалаба қозонган Туркия терма жамоаси кейинги босқичга йўл олди.
Бунгача қозоғистонлик чавандозлар Ўзбекистон терма жамоасини 16:0 ҳисобида мағлуб этишди.
Кўпкари бўйича 9 та давлат спортчилари энг кучлиларни аниқлайди. Ушбу спорт турида жами 104 нафар спортчи иштирок этади.
Кўпкари мусобақаларида қатнашадиган жамоалар: Қозоғистон, АҚШ, Россия, Ўзбекистон, Қирғизистон, Венгрия, Хитой, Мўғулистон ва Туркия.
