Қирғизистонда ҳар бир машинада видеорегистратор бўлиши шарт

BISHKEK. Kazinform – Қирғизистон йўлларида жамоат хавфсизлиги ва ҳайдовчилар интизомини мустаҳкамлаш мақсадида транспорт воситаларини ҳаракатланиш жараёнини қайд қилувчи қурилмалар билан жиҳозлаш мажбуриятини юклаш таклиф этилди. Тегишли қонун лойиҳасини Қирғизистон Ички ишлар вазирлиги жамоатчилик муҳокамасига чиқарди, деб хабар беради Kazinform мухбири Қирғизистон Республикаси Вазирлар Маҳкамаси сайтига таяниб.

Статистик маълумотларга кўра, Қирғизистонда 25 ёшдан 40 ёшгача бўлган фаол меҳнаткашларнинг 70 фоизи йўлда ҳалок бўлади.

Қонун лойиҳаси муаллифларининг фикрича, мазкур янгилик ҳайдовчиларнинг йўл ҳаракати вақтида масъулиятини оширади, уларнинг хулқ-атворини яхшилайди, шунингдек, ҳуқуқбузарлик ва жиноятларнинг олдини олиш ва фош этишда ижобий таъсир кўрсатади.

Ушбу нормани тракторлар ва ўзиюрар технологик машиналар, шунингдек, йўловчи ташиш ва хавфли юкларни ташувчи автомобиллар бундан мустасно, Қирғизистон ҳудудида илк бор рўйхатга олинган автомобиллар учун 2025 йил 1 январдан жорий этиш тавсия этилади.

Foto: ria.ru