Қирғизистон янги мудофаа доктринасини қабул қилиши мумкин

BISHKEK. Кazinform – Ҳозирги замон воқеликлари Қирғизистон Республикасининг миллий хавфсизлигини таъминлаш соҳасидаги давлат сиёсатини янада қайта кўриб чиқишни талаб қилмоқда. Бу ҳақда Қирғизистон Президенти Садир Жапаров мамлакат Қуролли Кучларининг 30 йиллигига бағишланган тантанали тадбирда сўзлаган нутқида маълум қилди, дея хабар беради Кazinform мухбири Қирғизистон президенти матбуот хизматига таяниб.

Қирғизистон Президенти қуролли кураш олиб боришнинг ноҳарбий усуллари устунлик қилаётганини, фаол ахборот-ташвиқот ишлари олиб борилаётганини таъкидлади. Самарали қуролли кучларни яратиш мамлакат миллий хавфсизлигини таъминлашнинг асосий вазифасидир.

С.Жапаровнинг сўзларига кўра, яқин вақт ичида Хавфсизлик кенгаши Қуролли Кучларнинг янги Ҳарбий доктринаси лойиҳасини, хусусан, уларнинг жанговар салоҳиятини оширишни кўриб чиқади.

Ўтган йили мамлакатда ҳарбий хизматчиларнинг ойлик маоши оширилган. Нақд пул тўловларини, жумладан, Қуролли Кучларда меҳнат қилаётган фуқароларнинг маошларини ошириш бўйича янги таклифлар кўриб чиқилмоқда.