Қирғизистон, Тожикистон ва Ўзбекистон давлат чегараларининг туташ нуқтаси тўғрисида шартнома имзолайди
Қирғизистон ва Тожикистон президентлари Ўзбекистон президенти билан биргаликда давлат чегараларининг туташ нуқтаси тўғрисида битим тузишга келишиб олдилар. Бу ҳақда Қирғизистонда давлат ташрифи билан бўлиб турган Тожикистон Республикаси раҳбари Эмомали Раҳмон маълум қилди, дея хабар беради Kazinform агентлиги мухбири.
«Тожикистон-Қирғизистон чегараси тўғрисидаги шартнома имзоланиши билан мен Садир Нурғожоевич билан яқин орада Тожикистон Республикаси, Қирғизистон Республикаси ва Ўзбекистон Республикаси ўртасида давлат чегараларининг туташ нуқтаси тўғрисида шартнома тузишга келишиб олдик. Биз ушбу ҳужжатни Хўжанд шаҳрида бўлиб ўтадиган Наврўз байрами доирасида имзолашни режалаштирганмиз”, — деди Тожикистон раҳбари.
Эслатиб ўтамиз, аввалроқ Қирғизистон ва Тожикистон ўртасида Давлат чегараси тўғрисидаги битим имзолангани хабар қилинганди. 14 мартдан бошлаб мамлакатлар парвозларни тиклайди.
31 март куни Хўжандда Қирғизистон, Тожикистон ва Ўзбекистон раҳбарларининг уч томонлама саммити бўлиб ўтади.
Эслатиб ўтамиз, 12-13 март кунлари Тожикистон президенти Эмомали Раҳмон давлат ташрифи билан Қирғизистонда бўлиб турибди.
