Қирғизистон фаластинликларнинг Ғазодан мажбуран кўчирилишига қарши чиқди
BISHKEK. Кazinform - Женевада бўлиб ўтган БМТ Инсон ҳуқуқлари кенгаши йиғилишида Қирғизистон Вазирлар кабинети раиси ўринбосари Эдил Байсалов Фаластиндаги вазиятга алоҳида эътибор қаратди, деб хабар беради Кazinform агентлиги мухбири.
Қирғизистон расмийси халқаро ҳамжамиятни адолат учун қатъий чоралар кўришга чақирди.
- Фаластин халқини мажбуран кўчиришга қаратилган ҳар қандай уриниш этник тозалашдан бошқа нарса эмас. Биз бундай ташаббусларни қатъиян рад этамиз ва халқаро ҳамжамиятни бутун бир халқни жамоавий жазолашнинг олдини олишга чақирамиз, — деди у.
Қирғизистон Фаластин халқининг ўз тақдирини ўзи белгилаш ҳуқуқини қўллаб-қувватлашини яна бир бор тасдиқлади. Эдил Байсалов халқаро ҳуқуқ нормаларини ҳурмат қилиш ва тенг ҳуқуқли мулоқот орқалигина узоқ муддатли тинчликка эришиш мумкинлигини таъкидлади.
Аввалроқ Миср ва Иордания фаластинликларни жойлаштиришга қарши эканини ёзган эдик.
