Килиан Мбаппе расман "Реал Мадрид" футболчисига айланди
ASTANA. Кazinform - Франциялик футболчи Килиан Мбаппе расман Испаниянинг “Реал Мадрид” жамоаси футболчисига айланди. Бугун «Сантьяго Бернабеу» стадионида футболчининг тантанали тақдимоти бўлиб ўтди. 80 000 дан ортиқ мухлислар ушбу тадбирни томоша қилиш имконига эга бўлди.
Бунгача 25 ёшли футболчи Франциянинг “Пари Сен-Жермен” клубида тўп сурган. 2024 йилнинг май ойида у жамоадан кетишини расман эълон қилди.
Маросимда Мбаппе ўз орзусидаги клуб аъзоси бўлганидан хурсанд эканлигини айтди.
"Мен бахтлиман. Орзуларим амалга ошганидан хурсандман. Мен ҳаётимни шу клубга бағишлайман. Hala Madrid!”, - деди Килиан.
Машҳур футболчи катталар футболига илк қадамини 2015 йилда Франциянинг “Монако” клубида қўйган. 2017 йилдан бери у парижликлар сафида 256 та гол урган. Ўтган мавсумда у Франция терма жамоаси сафида 48 ўйинда 44 та гол урди ва 10 та голли узатмани амалга оширди.
У "Реал"га эркин агент сифатида ўтди. Янги жамоасида 9-рақамда ўйнайдиган Килиан Мбаппе клуб билан 2029 йилгача шартнома имзолади.
Франциялик ҳужумчи қироллик клубида йилига 54 миллион евро маош олади. Футболчининг трансфер нархи 180 миллион еврога баҳоланмоқда.
