Кеннеди яна АҚШ президенти бўлиши мумкин

Кеннеди клани аъзоси кичик Роберт Кеннеди президентлик сайловларида мустақил номзод сифатида иштирок этишини маълум қилди, деб хабар беради Kazinform агентлиги CNNга таяниб.

Бу ҳақда душанба куни атроф-муҳит бўйича юрист ва АҚШ президенти Жон Фицжеральд Кеннедининг жияни кичик Роберт Ф. Кеннеди ўз оиласи асос солган Демократик партиядан кетганидан кейин маълум қилди.

"Мен ўзимни Америка Қўшма Штатлари президентлигига мустақил номзод деб эълон қилиш учун келдим", – деди 69 ёшли Кеннеди Филадельфияда сўзлаган нутқида.

Кеннедининг бу баёноти унинг 2024 йилдаги келажаги ҳақидаги бир неча ҳафталик миш-мишлардан сўнг маълум қилинди. У аввалроқ Демократик партиядан АҚШнинг амалдаги президенти Жо Байденга рақиб бўлишини маълум қилган эди.

Мустақил ва учинчи партия номзодлари ўтмишда президентлик сайловларида сезиларли қўллаб-қувватлаш учун кураш олиб борган. 1992 йилда техаслик бизнесмен Росс Перо яқин тарихдаги энг муваффақиятли мустақил президентликка номзодлардан бирини бўлди, натижада у умумий сайловда 8% овоз олди, Билл Клинтон эса ғалаба қозонди.

Душанба куни Кеннеди мустақил президентлик кампанияларининг омадсиз тарихини тан олди, лекин ўз имкониятларига оптимизм билан қарашини айтди.

Кеннедининг мустақил сайловолди ташвиқоти умумий сайлов пойгасини янада мураккаблаштириши мумкин. Ўтган ҳафта Reuters/Ipsos агентлиги томонидан ўтказилган Байден, Трамп ва Кеннеди ўртасидаги тахминий уч томонлама пойга бўйича сўров натижаларига кўра, сайловчиларнинг 14 фоизи Кеннедини, 40 фоизи Трампни ва 38 фоизи Байденни қўллаб-қувватламоқда.

Умумий сайловга бир йилдан кўпроқ вақт қолганида, Кеннедининг кампанияси 2024 йил ноябрь ойида ушбу даражадаги қўллаб-қувватловни овозларга айлантира оладими ёки йўқми, номаълум. Кеннеди ҳам Байден, ҳам Трамп тарафдорларини жалб қилиб, сайловда ғалаба қозонишга умид қилишини айтди.