Кенияда сув тошқини қурбонлари сони 70 дан ошди

Кенияда кучли ёмғир сабаб бўлган сув тошқинлари қурбонлари сони 70 кишидан ошди, деб хабар беради Kazinform агентлиги Аnadoluга таяниб.

Кения вице-президенти Ригати Гачагуа журналистларга табиий офат 130 минг кишининг ҳаётига салбий таъсир кўрсатганини айтди.

Шарқий Африка штати пойтахти Найробида бутун маҳаллалар сув остида қолган, қатор магистраль йўллар ёпилган.

Кения темир йўллари бутун мамлакат бўйлаб шаҳарлараро поэздлар қатновини тўхтатганини эълон қилди.

Танзания, Бурунди ва Конго Демократик Республикаси каби давлатлар ҳам кучли ёмғир туфайли юзага келган сув тошқинидан жабр кўрди.